Suriyaning Palmira tarixiy-arxeologik majmuasida kamida 12 kishi IShID jangarilari tomonidan o‘ldirildi. Bu haqda “TASS” xabar bermoqda.
SANA agentligiga ko‘ra, qurbonlar orasida oldinroq o‘g‘irlab ketilgan 4 nafar davlat xizmatchisi va ikki o‘qituvchi bor. Shuningdek, jangarilar YuNESKO butunjahon merosi ro‘yxatiga kiritilgan qator arxeologik yodgorliklarni vayron qildi.
Eslatib o‘tamiz, ekstremistlar 11-dekabrda, hukumat kuchlari chekinganidan so‘ng Palmirani qayta egalladi. Armiya va ko‘ngillilar chekinishdan avval shahar aholisining 80 foizini evakuatsiya qilishga ulgurdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)