Суриянинг Пальмира тарихий-археологик мажмуасида камида 12 киши ИШИД жангарилари томонидан ўлдирилди. Бу ҳақда «ТАСС» хабар бермоқда.
SANA агентлигига кўра, қурбонлар орасида олдинроқ ўғирлаб кетилган 4 нафар давлат хизматчиси ва икки ўқитувчи бор. Шунингдек, жангарилар ЮНЕСКО бутунжаҳон мероси рўйхатига киритилган қатор археологик ёдгорликларни вайрон қилди.
Эслатиб ўтамиз, экстремистлар 11 декабрда, ҳукумат кучлари чекинганидан сўнг Пальмирани қайта эгаллади. Армия ва кўнгиллилар чекинишдан аввал шаҳар аҳолисининг 80 фоизини эвакуация қилишга улгурди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)