AQSh Markaziy razvedka boshqarmasi 1982-yildan beri o‘zgarmay kelayotgan Amerika fuqarolari haqida ma’lumotlarni yig‘ish, qayta ishlash va saqlash haqidagi ichki qoidalarga o‘zgarishlar kiritganini ma’lum qildi. Bu haqda “TASS” xabar bermoqda.
Boshqarmaga aslini olganda hamyurtlari haqida mamlakat ichida ma’lumot to‘plash man etilgan. Shunday bo‘lsa-da, AQSh prezidentining 1981-yildagi farmoni mazkur qoidadan ma’lum bir istisnolarga yo‘l qo‘yadi.
Yangi qoidalarda amerikaliklarga taalluqli, biroq o‘rganilmagan ayrim ma’lumotlarni saqlash muddatini 5 yil bilan cheklaydi. Shuningdek, xorijda amalga oshirilayotgan biznes operatsiyalari hisobi kabi ma’lumotlarni saqlash muddatiga 25 yillik cheklov belgilandi.
Qolaversa, MRBning qaysi xodimlari AQSh fuqarolari haqidagi ma’lumotlar bilan tanishishi mumkinligi belgilab qo‘yildi. Bunday ma’lumotlardan foydalanish ustidan nazorat tizimi joriy etildi va ora-sira bu borada tekshiruvlar o‘tkazib turishga qaror qilindi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)