Qozoq xalqining dushmanlarini sanagan Oysulton, Twitter’da o‘tirishga mahkum Tramp, “Yuventus”ning kulgiga qolgan 200 ming yevrolik logotipi va kunning boshqa muhim xabarlari

18-yanvarning e’tiborga molik yangiliklari — “Daryo”ning kechki dayjestida.

1. Shavkat Mirziyoyev davlat mulki obyektlarini sotishni soddalashtirish va tezlatishga qaratilgan farmonni imzoladi. Farmonda, shuningdek, fond birjasida aksiyalarni aholi va tadbirkorlarga birlamchi (IPO) va ikkilamchi (SPO) ommaviy taklif etish ko‘zda tutilgan.

2. Nazarboyevning nevarasi qozoq xalqining dushmanlarini sanab o‘tdi. Oysultonning aytishicha, hukumatning oliy eshelonlarini poraxo‘rlardan tozalash operatsiyasi ketmoqda.

3. Tramp “g‘irrom OAVlarga qarshi turish” uchun Twitter’da yozishga majbur ekanligini ma’lum qildi. “Twitter’da xabar yozishni yoqtirmayman, bundan bo‘lak ishlarim ham yetarli aslida”.

4. Fransiya sobiq bosh vaziri unga tarsaki tushirgan kishini sudga beradi. 18 yoshli yigit davlat organining vakolatli xodimiga nisbatan zo‘ravonlik akti uchun hibsga olingan.

5. “Yuventus”ning bir yil va 200 ming yevro sarflangan yangi logotipi ustidan hatto O‘zbekiston klublari ham kuldi. Izohga hojat yo‘q.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.