O‘zbekiston 2016-yilning 4-choragida xalqaro moliya institutlari bilan 508 mln dollarlik kredit bitimlarini imzoladi

O‘zbekiston hukumati 2016-yilning to‘rtinchi choragida xalqaro moliyaviy institutlar bilan 508 million dollarlik kredit bitimlarini imzoladi, deya xabar bermoqda UzDaily.

Xususan, O‘zbekiston hukumati va Jahon banki “Hududiy avtomobil yo‘llarini rivojlantirish” loyihasi doirasida 200 million dollarlik kredit bitimini tuzdi. Loyiha qiymati 240 million dollarni tashkil etadi.

O‘zbekiston, shuningdek, Islom taraqqiyot banki bilan “Sirdaryo viloyatining Guliston, Shirin va Yangiyer shaharlari kanalizatsiya tizimlarini rekonstruksiya qilish va kengaytirish” loyihasini moliyalashtirish bo‘yicha kredit bitimini imzoladi. Kredit qiymati 57,5 million dollar, loyiha qiymati esa 60,8 million dollarga teng.

36,5 million dollarlik “Samarqand shahrida qattiq maishiy chiqindilarni boshqarishni modernizatsiya qilish” loyihasini amalga oshirish bo‘yicha esa Fransiya taraqqiyot agentligi bilan 23,5 million dollarlik kredit shartnomasi tuzildi.

Shuningdek, 2016-yilning to‘rtinchi choragida O‘zbekiston Koreyaning “Eksimbank”i bilan ikkita kredit bitimini imzoladi. Ular “Toshkent shahri aeroportining yangi xalqaro yo‘lovchi terminalini qurish” hamda “‘Elektron hukumat’ tizimining Ma’lumotlarga ishlov berish markazini yaratish” loyihalari doirasida tuzildi.