Argentinaning Buenos-Ayres provinsiyasidagi San-Nikolas okrugida istiqomat qiluvchi 7 ming kishi toshqinlar tufayli uylarini tark etishga majbur bo‘ldi. Bu haqda 17-yanvar, seshanba kuni provinsiya ijtimoiy rivojlanish vaziri Santyago Lopes Medrano ma’lum qildi, deya xabar beradi “TASS”.
“Ming kishi evakuatsiya qilindi, yana 6 ming kishi uylarini mustaqil ravishda tark etdi”, — deya ta’kidladi vazir.
Argentina xavfsizlik vaziri Patrisiya Bullrich La-Emiliya aholi punktida bir kishi halok bo‘lganini tasdiqladi. 54 yoshli erkak o‘tgan yakshanbadan beri qidirilayotgandi. Hozirda butkul suv ostida qolgan La-Emiliyani deyarli hamma tashlab chiqib ketdi.
Mamlakat prezidenti Maurisio Makri hukumat Buenos-Ayres, Kordova, Santa-Fe va Entre-Rios provinsiyalaridagi tabiiy ofatdan jabrlangan tumanlarda favqulodda holat e’lon qilishini ma’lum qilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)