Аргентинанинг Буэнос-Айрес провинциясидаги Сан-Николас округида истиқомат қилувчи 7 минг киши тошқинлар туфайли уйларини тарк этишга мажбур бўлди. Бу ҳақда 17 январь, сешанба куни провинция ижтимоий ривожланиш вазири Сантьяго Лопес Медрано маълум қилди, дея хабар беради «ТАСС».
«Минг киши эвакуация қилинди, яна 6 минг киши уйларини мустақил равишда тарк этди», — дея таъкидлади вазир.
Аргентина хавфсизлик вазири Патрисия Буллрич Ла-Эмилия аҳоли пунктида бир киши ҳалок бўлганини тасдиқлади. 54 ёшли эркак ўтган якшанбадан бери қидирилаётганди. Ҳозирда буткул сув остида қолган Ла-Эмилияни деярли ҳамма ташлаб чиқиб кетди.
Мамлакат президенти Маурисио Макри ҳукумат Буэнос-Айрес, Кордова, Санта-Фе ва Энтре-Риос провинцияларидаги табиий офатдан жабрланган туманларда фавқулодда ҳолат эълон қилишини маълум қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)