O‘zbekiston Respublikasi Prezidenti Shavkat Mirziyoyev Turkiya prezidenti Rajab Toyyib Erdo‘g‘onga Qirg‘izistonda Turkiya aviakompaniyasi samolyoti halokatga uchragani munosabati bilan ta’ziya izhor etdi. Bu haqda O‘zbekiston TIV matbuot xizmati xabar bermoqda.
Oldinroq Qirg‘iziston prezidenti Almazbek Atambayevga Boeing-747 halokatga uchrashi oqibatida ko‘plab insonlar, jumladan, bolalar qurbon bo‘lganligi munosabati bilan hamdarlik bildirilgandi.
Davlat rahbari o‘z maktublarida halok bo‘lganlarning oila a’zolari va yaqinlariga hamda jarohatlanganlarga chuqur hamdardlik va dalda so‘zlarini yetkazib qo‘yishni so‘ragan.
Eslatib o‘tamiz, Boeing-747 yuk samolyoti qulashi oqibatida halok bo‘lgan 38 kishining jasadi shaxsi aniqlandi, ulardan 17 nafari bolalardir. Qirg‘iziston IIV yuk samolyoti bortida terakt yuz bergani taxminini istisno etdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)