Aholiga yanada qulay sharoit yaratish va sohaga oid masalalarni tezkorlik bilan ko‘rib chiqish maqsadida 2017-yil 7-yanvar kunidan Toshkent viloyati IIB boshlig‘ining virtual qabulxonasi ish boshladi. Bu esa fuqarolarga o‘zlarini qiziqtirgan savollarga javob olish va muammolarni hal etish yuzasidan internet tizimidagi online.toshkentviloyatiiib.uz havolasi orqali Toshkent viloyati IIB boshlig‘iga bevosita murojaat yo‘llashlari uchun imkoniyat yaratdi.
Shuningdek, jismoniy va yuridik shaxslarning murojaatlari bilan ishlashning tubdan yangicha tizimini joriy etish, aholi bilan to‘g‘ridan-to‘g‘ri muloqotni tashkil etish, fuqarolarning huquq va erkinliklari va manfaatlarini to‘laqonli himoya qilish maqsadida viloyat IIBda “Toshkent viloyati IIBning sayyor qabulxonasi” tashkil etilib, buning uchun zamonaviy televizor, komyuter to‘plami, konditsioner kabi anjomlar bilan jihozlangan maxsus “Isuzu” avtobusi ajratildi.
Izoh (0)