Niderlandiyada 2017-yildan boshlab barcha poyezdlar shamol yordamida olinuvchi energiya orqali harakatlanmoqda. Bu haqda Meduza xabar bermoqda.
Bir yil avval shamol elektr stansiyalari sharofati bilan mamlakatdagi poyezdlarning uchdan ikki qismi elektr quvvati bilan ta’minlangan edi.
Niderlandiyaliklar bu yil emas, balki 2018-yilda barcha poyezdlarni shamol energiyasi bilan to‘liq ta’minlashni rejalashtirgan edi.
Biroq ular, mamlakatda yangi elektr stansiyalari qurish hisobiga, rejani muddatidan avval bajardi. Niderlandiya avvallari elektr energiyasini qo‘shni mamlakatlardan sotib olardi.
Mamlakatning yo‘lovchi tashish bo‘yicha eng yirik kompaniyasi hisoblangan Nederlandse Spoorwegen har kuni deyarli 600 ming yo‘lovchini o‘z manziliga eltib qo‘yadi.
Ma’lumot o‘rnida, jahon bo‘yicha eng ko‘p shamol energiyasi ishlab chiqaruvchi davlat Xitoydir.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)