AQShning bo‘lajak ma’muriyatida birinchi xonim ofisi birinchi oila ofisi deya qayta nomlanadi. Bu haqda “TASS” xabar bermoqda.
Oq uyda rasmiy vazifalarni saylangan prezidentning turmush o‘rtog‘i Melanya va qizi Ivanka birgalikda bajaradi. Ular Trampning eng yaqin odamlari sanaladi.
Melanya Tramp 10 yoshli o‘g‘li Berron bilan inauguratsiyadan keyin kamida joriy o‘quv yili yakunlanguncha Nyu-Yorkda qoladi, chunki nufuzli xususiy maktabda ta’lim olayotgan bola o‘qishni to‘xtatmasligi lozim. Buni oldinroq Trampning o‘zi ham tasdiqlagandi.
Shu munosabat bilan amerikalik kuzatuvchilar dastlabki paytlarda Ivanka Tramp birinchi xonim vazifasini bajarib turishini taxmin qilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)