АҚШнинг бўлажак маъмуриятида биринчи хоним офиси биринчи оила офиси дея қайта номланади. Бу ҳақда «ТАСС» хабар бермоқда.
Оқ уйда расмий вазифаларни сайланган президентнинг турмуш ўртоғи Меланья ва қизи Иванка биргаликда бажаради. Улар Трампнинг энг яқин одамлари саналади.
Меланья Трамп 10 ёшли ўғли Бэррон билан инаугурациядан кейин камида жорий ўқув йили якунлангунча Нью-Йоркда қолади, чунки нуфузли хусусий мактабда таълим олаётган бола ўқишни тўхтатмаслиги лозим. Буни олдинроқ Трампнинг ўзи ҳам тасдиқлаганди.
Шу муносабат билан америкалик кузатувчилар дастлабки пайтларда Иванка Трамп биринчи хоним вазифасини бажариб туришини тахмин қилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)