2017-yilda o‘z dolzarbligini yo‘qotadigan trendlar

Turli rangli sochlar va jilosiz lab bo‘yoqlari bilan xayrlashish vaqti keldi. 2017-yilda tabiiylik va asllik urf bo‘ladi. Bu maqolada siz 2017-yilda o‘z dolzarbligini yo‘qotadigan trendlar bilan tanishasiz.

Aniq qilib chizilgan qoshlar

Va nihoyat, bundan keyin tatuaj, qoshni qalam va tenlar yordamida chizishga chek qo‘yiladi. Endi faqat tabiiy go‘zallik – tabiiy rangli asl holatdagi qoshlar urf bo‘ladi.

Jilosiz lab bo‘yoqlari

Butun dunyo stilistlari xulosasiga ko‘ra, jilosiz lab bo‘yog‘i ayollarning yoshini bir necha yilga ulg‘aytirib ko‘rsatishi ma’lum bo‘ldi. Aynan shu sababli jilosiz lab bo‘yoqlari o‘rnini jiloli, yaltiroq va lakli lab bo‘yoqlari egalladi. Ayniqsa, sharob tusli lab bo‘yoqlari ommabop bo‘lishi kutilmoqda.

Pastel rangdagi tenlar

Pastel, sarg‘ish-kul rang va qahva rangdagi tenlar 2016-yilda qolib ketdi. 2017-yilda esa pushti, qip-qizil, yashil va hatto och ko‘k rangli tenlar urfga kiradi.

Tarang jingalak va qo‘ng‘iroq sochlar

Tarang va qalin jingalak sochlar o‘z aktualligini yo‘qotib, yengil va sal jingalak sochlar urfga kiradi. Gel va soch uchun mumlar sotib oling, chunki “ho‘l bo‘lib ko‘rinuvchi” sochlar yana aktual bo‘la boshladi.

Konturing

2017-yilda yuzni konturing qilish uchun tonal kremlarga pul ham, vaqt ham sarflab o‘tirishga hojat qolmadi. Faqat uning tabiiy rangini ta’kidlashning o‘zi yetarlidir.

Har xil rangli sochlar

2017-yilda tabiiy rangdagi va yengil bo‘yalgan sochlar urfga kiradi.