Uyda bajarib bo‘lmaydigan go‘zallik tadbirlari

Biz doimo go‘zal va sog‘lom bo‘lish maqsadida kosmetolog va go‘zallik salonlari xizmati uchun pulimizni ham, vaqtimizni ham ayamaymiz. Ba’zi tadbirlarni o‘zimiz ham uyda osongina bajara olamiz. Lekin hammasini emas! Biz uyda bajarib bo‘lmaydigan tadbirlar ro‘yxatini tuzdik.

1. Chyolka kesish

Ko‘pchilik chyolka kesishni uyda ham bajarish mumkin deb o‘ylab xato qiladi. Chunki, sochni o‘z ishining ustasi bo‘lmagan kishi to‘g‘ri kesa olmaydi.

2. Soch rangini butunlay o‘zgartirish

Agar siz oqargan soch ildizlarini bo‘yamoqchi bo‘lsangiz, buni bemalol uyda bajarishingiz mumkin. Lekin siz qora sochlaringizni sariqqa yoki aksini qilmoqchi bo‘lsangiz, yaxshisi buning uchun mutaxassislar xizmatidan foydalanganingiz ma’qul.

3. Qoshni ip yoki mum bilan terish

Uyda ortiqcha tuklarni olish va qoshga to‘g‘ri shakl berish uchun mo‘ychinakdan foydalanishingiz mumkin. Buni ip yoki mum yordamida amalga oshirishni maslahat bermaymiz, chunki bu juda nozik ish bo‘lib, qoshingiz shaklini buzib qo‘yishingiz mumkin.

4. Husnbuzarni siqish

Agar yuzingizdagi husnbuzar chuqur bo‘lsa, uni siqish terining yallig‘lanishiga olib keladi. Husnbuzarlarni ketkazmoqchi bo‘lsangiz, mutaxassis shifokordan maslahat olganingiz ma’qul.