2017 йилда ўз долзарблигини йўқотадиган трендлар

Турли рангли сочлар ва жилосиз лаб бўёқлари билан хайрлашиш вақти келди. 2017 йилда табиийлик ва асллик урф бўлади. Бу мақолада сиз 2017 йилда ўз долзарблигини йўқотадиган трендлар билан танишасиз.

Аниқ қилиб чизилган қошлар

Ва ниҳоят, бундан кейин татуаж, қошни қалам ва тенлар ёрдамида чизишга чек қўйилади. Энди фақат табиий гўзаллик – табиий рангли асл ҳолатдаги қошлар урф бўлади.

Жилосиз лаб бўёқлари

Бутун дунё стилистлари хулосасига кўра, жилосиз лаб бўёғи аёлларнинг ёшини бир неча йилга улғайтириб кўрсатиши маълум бўлди. Айнан шу сабабли жилосиз лаб бўёқлари ўрнини жилоли, ялтироқ ва лакли лаб бўёқлари эгаллади. Айниқса, шароб тусли лаб бўёқлари оммабоп бўлиши кутилмоқда.

Пастель рангдаги тенлар

Пастель, сарғиш-кул ранг ва қаҳва рангдаги тенлар 2016 йилда қолиб кетди. 2017 йилда эса пушти, қип-қизил, яшил ва ҳатто оч кўк рангли тенлар урфга киради.

Таранг жингалак ва қўнғироқ сочлар

Таранг ва қалин жингалак сочлар ўз актуаллигини йўқотиб, енгил ва сал жингалак сочлар урфга киради. Гель ва соч учун мумлар сотиб олинг, чунки «ҳўл бўлиб кўринувчи» сочлар яна актуал бўла бошлади.

Контуринг

2017 йилда юзни контуринг қилиш учун тонал кремларга пул ҳам, вақт ҳам сарфлаб ўтиришга ҳожат қолмади. Фақат унинг табиий рангини таъкидлашнинг ўзи етарлидир.

Ҳар хил рангли сочлар

2017 йилда табиий рангдаги ва енгил бўялган сочлар урфга киради.