20 yoshdan keyin terini parvarishlash qoidalari

Agar siz 30—40 yoshdan keyin ham teringizni sog‘lom saqlashni xohlasangiz, parvarishni ertaroq boshlashingizga to‘g‘ri keladi. Bu borada sizga bir necha maslahatlar bermoqchimiz.

Uxlashdan oldin yuzingizni tozalang

Kechga borib yuzingiz terisi kosmetika, yog‘ va changlardan iborat qatlam bilan qoplanadi. Terini quritishdan saqlaydigan tozalovchi yumshoq muss, ko‘pik va gellar yordamida yuzingizni tozalang.

Uyquga yotishdan avval makiyajni artib tashlang

Yuvib tashlashdan erinsangiz, maxsus salfetka yordamida yuzingizni tozalang.

Ko‘z atrofi terisi uchun SPF’li krem tanlang

Bu barvaqt ajin tushishining oldini oladi va uzoq vaqt ko‘rinishni yosh saqlaydi.

Uyquga to‘ymadingizmi? Kompress qiling

Sutga yoki qaymoqqa botirilgan paxtani ko‘zning ostki qismiga qo‘yib 10 daqiqa ushlab turing.

Yuz terisini glikol kislota yordamida piling qiling

Agar yuz terisi tonal vositasisiz xira ko‘rinsa unga glikol kislotali piling yordam beradi. Pilingdan so‘ng namlovchi krem surilsa, yuz terisi yaraqlaydi.

Teringiz uchun mukammal bo‘lgan namlovchi krem tanlang

Tarkibida glitserin va gialuron kislota mavjud bo‘lgan kremlar eng samarali hisoblanadi.

Quyoshdan himoyalovchi vositalardan foydalaning

Bu vositalar haqiqiy yoshlikni saqlovchilar hisoblanadi. Tez singib ketadigan va yuzda uncha sezilmaydigan kremlarni tanlang.