Zlatan Ibrahimovich
“Manchester Yunayted” uchun g‘irt tekinga tushgan futbolchi buyuk ishlarini kechiktirib o‘tirmadi. Jamoa joniga oro kirayotgan gollar va golli uzatmalarga mualliflik qilayotgan futbolchi mavsumning yarmiga keliboq hammaning olqishiga sazovor bo‘ldi.
Butun boshli o‘tgan mavsum davomida fransiyalik Antoni Marsyal ichki chempionat va kubok o‘yinlarida 17 ta gol urib, “Yunayted” to‘purari bo‘lgandi. Yangi mavsumdagi 20 ta tur ortda qolgan bir paytda esa Ibrahimovich 18 ta gol urib bo‘ldi. Bunda Angliya tasnifidagi barcha turnirlar inobatga olingan.Sofian Fegulining chetlatilishi
“Vest Hem” — “Manchester Yunayted” o‘yinining borishiga hakam Mayk Din tomonidan erta ko‘rsatilgan qizil kartochka ta’sir o‘tkazdi. Bu esa londonliklarning ishini qiyinlashtirib yubordi.
Chetlatishga arzigulik narsa yo‘q edi. Har ikki futbolchi to‘qnashuvga kirdi. Fil Jons qoidani buzdi. U to‘pning ustida edi, tabiiyki, oyoqlari ko‘tarilgandi. Sofian esa oyoqlarini baland ko‘tarmadi.Chetlatish hal qiluvchi rolni o‘ynadi va bizni “o‘ldirdi”. Bu bizga nisbatan qilingan nohaqlik bo‘ldi.
Ikkinchi golga kelsak, bunda yaqqol offsayd bor edi. Futbolchi tezlik olayotganida hakamlarga oson bo‘lmaydi. Buni tan olaman. Biroq o‘sha vaziyatda futbolchilar piyoda yurgandi. Bunday offsaydni esa ko‘rish kerak.
Slaven Bilich, “Vest Hem” bosh murabbiyi
Chetlatish ishimizni qiyinlashtirib qo‘ydi, yana ham ko‘proq “Vest Hem”ni qiynadi. Bir kishi ko‘p ekanimizni his qilib o‘ynash og‘ir, raqib esa jismoniy tomondan og‘ir yukni ko‘tarishi kerak edi.Ha, aytgancha, Mourinyoni olqishlab qo‘yishingiz mumkin. Ser Aleks Fergyusson ketganidan buyon “Yunayted” birinchi bor ketma-ket 13 ta o‘yinda imkoniyatni boy bermadi.Hakamning qarorini ko‘rib chiqmadim. Agar hakamlarning kimgadir qarshi ishlashi bo‘yicha gap ketsa, u holda biz APL chempionimiz.
Kristian Benteke
“Kristal Pelas” so‘nggi turda “Arsenal” darvozasiga yo‘l topa olmadi, qanday qilib hujumchi Kristian Bentekega e’tibor qaratish mumkin, deysizmi? Hammasi oddiy, Benteke xitoyliklar taklif qilgan 40 milliondan yuz o‘girdi.Belgiya terma jamoasi futbolchisi Aksel Vitsel “Yuventus”dek klubdan yuz burib, Xitoyga uchib ketgandi. “Kristal Pelas” kabi oddiy jamoa a’zosi bo‘lsa-da, belgiyalik yana bir futbolchi Benteke kuchli beshlikda qolish variantini afzal bildi.
Joui Barton
Shotlandiyaning “Reynjers” klubi bilan a’loqalarini uzgan Joui Barton va nihoyat “Byornli” a’zosiga aylandi. Glazgodagi beboshliklari uchun uni tinimsiz jazolashlari Bartonni to‘ydirib yuborgandi.
Futbolchi o‘tgan mavsumni “Byornli” safida o‘tkazib, 38 ta o‘yinda 3 ta gol urgan va yakunda jamoaning APLga qaytishiga ko‘mak bergandi. Bu xizmatlar unutilmadi va “Byornli” mavsum yakuniga qadar 34 yoshli futbolchi bilan kelishuvga erishdi.
Sadio Manening iqrori
“Liverpul” klubi a’zosi Sadio Mane har qanday holatda ham erkak bo‘lib qolish kerakligini amalda ko‘rsatdi.“Sanderlend”ga qarshi o‘yinda hakam “Liverpul” darvozasi tomon 2 ta penalti tayin qildi. Ikkinchisi gol bilan yakunlandi va uchrashuv so‘nggida mezbonlarni mag‘lubiyatdan qutqarib, Klopp jamoasini 2 ochkodan mahrum qildi.
Uchrashuvdan keyin Sadio Mane hammasini tan oldi. To‘p uning qo‘liga tekkanini va hakam penaltini to‘g‘ri berganiga iqror bo‘ldi. Qarsaklaringiz!
“Sanderlend” har ikki golni penaltidan urdi, hakam esa yana 1 ta yuz foizlik penaltini bermadi. Hisob 1:1 bo‘lib turganida Emre Jan to‘pni qo‘li bilan o‘ynagandi. Klopp esa penaltilardan biri yo‘q, degan iddao bilan chiqdi.E’tibor bering, bizdek autsayder klubga qarshi qilingan xato qarorlar ko‘rinmay ketadi, qaror bizning foydamizga bo‘lsa, u hammaning e’tiboriga tushadi.
Bugun “Sanderlend” pressingni a’lo darajada amalga oshirdi. Agar nemis bo‘lganimda, bugungi o‘yin uchun jurnalistlarning maqtovida qolib ketardim.
Serxio Aguero
“Siti”ning irodali g‘alabasiga hissa qo‘shgan argentinalik hujumchi Serxio Aguero “shaharliklar” safida eng ko‘p gol urgan uchinchi futbolchiga aylanib oldi. Uning goli Manchesterga kelganidan buyon 153-si bo‘ldi.
Fernandinyo
Hafta antiqahramoni deyish mumkin uni. So‘nggi 6 uchrashuvda 3 ta qizil kartochka olgan yarim himoyachini yana qanday atash mumkin. Oldinda uni avtomatik ravishda 4 ta o‘yinlik diskvalifikatsiya kutib turibdi.
Avvalroq u “Siti”ning APL va Chempionlar Ligasidagi o‘yinlarida maydondan chetlatilgandi.
Men “Manchester Siti” safida uzog‘i 3—4 yil ishlayman. Shu bilan karyeram yakuniga yaqinlashib kelaveraman. Chunki 60—65 yoshga qadar murabbiy bo‘lib qolishni istamayman.Kelajakdagi rejalarim? Albatta golf bilan shug‘ullanaman.
Izoh (0)