Златан Ибраҳимович
«Манчестер Юнайтед» учун ғирт текинга тушган футболчи буюк ишларини кечиктириб ўтирмади. Жамоа жонига оро кираётган голлар ва голли узатмаларга муаллифлик қилаётган футболчи мавсумнинг ярмига келибоқ ҳамманинг олқишига сазовор бўлди.
Бутун бошли ўтган мавсум давомида франциялик Антони Марсьяль ички чемпионат ва кубок ўйинларида 17 та гол уриб, «Юнайтед» тўпурари бўлганди. Янги мавсумдаги 20 та тур ортда қолган бир пайтда эса Ибраҳимович 18 та гол уриб бўлди. Бунда Англия таснифидаги барча турнирлар инобатга олинган.Софиан Фегулининг четлатилиши
«Вест Ҳэм» — «Манчестер Юнайтед» ўйинининг боришига ҳакам Майк Дин томонидан эрта кўрсатилган қизил карточка таъсир ўтказди. Бу эса лондонликларнинг ишини қийинлаштириб юборди.
Четлатишга арзигулик нарса йўқ эди. Ҳар икки футболчи тўқнашувга кирди. Фил Жонс қоидани бузди. У тўпнинг устида эди, табиийки, оёқлари кўтарилганди. Софиан эса оёқларини баланд кўтармади.Четлатиш ҳал қилувчи ролни ўйнади ва бизни «ўлдирди». Бу бизга нисбатан қилинган ноҳақлик бўлди.
Иккинчи голга келсак, бунда яққол оффсайд бор эди. Футболчи тезлик олаётганида ҳакамларга осон бўлмайди. Буни тан оламан. Бироқ ўша вазиятда футболчилар пиёда юрганди. Бундай оффсайдни эса кўриш керак.
Славен Билич, «Вест Ҳэм» бош мураббийи
Четлатиш ишимизни қийинлаштириб қўйди, яна ҳам кўпроқ «Вест Ҳэм»ни қийнади. Бир киши кўп эканимизни ҳис қилиб ўйнаш оғир, рақиб эса жисмоний томондан оғир юкни кўтариши керак эди.Ҳа, айтганча, Моуриньони олқишлаб қўйишингиз мумкин. Сэр Алекс Фергюссон кетганидан буён «Юнайтед» биринчи бор кетма-кет 13 та ўйинда имкониятни бой бермади.Ҳакамнинг қарорини кўриб чиқмадим. Агар ҳакамларнинг кимгадир қарши ишлаши бўйича гап кетса, у ҳолда биз АПЛ чемпионимиз.
Кристиан Бентеке
«Кристал Пэлас» сўнгги турда «Арсенал» дарвозасига йўл топа олмади, қандай қилиб ҳужумчи Кристиан Бентекега эътибор қаратиш мумкин, дейсизми? Ҳаммаси оддий, Бентеке хитойликлар таклиф қилган 40 миллиондан юз ўгирди.Бельгия терма жамоаси футболчиси Аксель Витсель «Ювентус»дек клубдан юз буриб, Хитойга учиб кетганди. «Кристал Пэлас» каби оддий жамоа аъзоси бўлса-да, бельгиялик яна бир футболчи Бентеке кучли бешликда қолиш вариантини афзал билди.
Жоуи Бартон
Шотландиянинг «Рейнжерс» клуби билан аълоқаларини узган Жоуи Бартон ва ниҳоят «Бёрнли» аъзосига айланди. Глазгодаги бебошликлари учун уни тинимсиз жазолашлари Бартонни тўйдириб юборганди.
Футболчи ўтган мавсумни «Бёрнли» сафида ўтказиб, 38 та ўйинда 3 та гол урган ва якунда жамоанинг АПЛга қайтишига кўмак берганди. Бу хизматлар унутилмади ва «Бёрнли» мавсум якунига қадар 34 ёшли футболчи билан келишувга эришди.
Садио Маненинг иқрори
«Ливерпуль» клуби аъзоси Садио Мане ҳар қандай ҳолатда ҳам эркак бўлиб қолиш кераклигини амалда кўрсатди.«Сандерленд»га қарши ўйинда ҳакам «Ливерпуль» дарвозаси томон 2 та пенальти тайин қилди. Иккинчиси гол билан якунланди ва учрашув сўнггида мезбонларни мағлубиятдан қутқариб, Клопп жамоасини 2 очкодан маҳрум қилди.
Учрашувдан кейин Садио Мане ҳаммасини тан олди. Тўп унинг қўлига текканини ва ҳакам пенальтини тўғри берганига иқрор бўлди. Қарсакларингиз!
«Сандерленд» ҳар икки голни пенальтидан урди, ҳакам эса яна 1 та юз фоизлик пенальтини бермади. Ҳисоб 1:1 бўлиб турганида Эмре Жан тўпни қўли билан ўйнаганди. Клопп эса пенальтилардан бири йўқ, деган иддао билан чиқди.Эътибор беринг, биздек аутсайдер клубга қарши қилинган хато қарорлар кўринмай кетади, қарор бизнинг фойдамизга бўлса, у ҳамманинг эътиборига тушади.
Бугун «Сандерленд» прессингни аъло даражада амалга оширди. Агар немис бўлганимда, бугунги ўйин учун журналистларнинг мақтовида қолиб кетардим.
Серхио Агуэро
«Сити»нинг иродали ғалабасига ҳисса қўшган аргентиналик ҳужумчи Серхио Агуэро «шаҳарликлар» сафида энг кўп гол урган учинчи футболчига айланиб олди. Унинг голи Манчестерга келганидан буён 153-си бўлди.
Фернандиньо
Ҳафта антиқаҳрамони дейиш мумкин уни. Сўнгги 6 учрашувда 3 та қизил карточка олган ярим ҳимоячини яна қандай аташ мумкин. Олдинда уни автоматик равишда 4 та ўйинлик дисквалификация кутиб турибди.
Аввалроқ у «Сити»нинг АПЛ ва Чемпионлар Лигасидаги ўйинларида майдондан четлатилганди.
Мен «Манчестер Сити» сафида узоғи 3—4 йил ишлайман. Шу билан карьерам якунига яқинлашиб келавераман. Чунки 60—65 ёшга қадар мураббий бўлиб қолишни истамайман.Келажакдаги режаларим? Албатта гольф билан шуғулланаман.
Изоҳ (0)