Metro Cash and Carry gipermarketlar tarmog‘i Rossiya veterinariya va fitosanitariya nazorati federal xizmati (“Rosselxoznadzor”) e’tiroziga sabab bo‘lgan o‘zining Fine Life savdo belgisiga mansub Oltoy asali sotuvini to‘xtatdi. Bu haqda kompaniya vakillari ma’lum qildi, deya xabar bermoqda “TASS”.
“Rosselxoznadzor’ning rejadan tashqari tekshiruvi davomida, laboratoriya tekshiruvlari natijasida Metro savdo markazlarida sotiladigan asal turlaridan birida nitrofuran metabolitlari aniqlangani haqida ma’lumot olinganidan so‘ng, kompaniyamiz mazkur mahsulotni zudlik bilan peshtaxtalardan oldi. Shuningdek, muqobil tarzda laboratoriya sinovlari o‘tkazildi”, — deyiladi xabarda.
Kompaniya vakillariga ko‘ra, o‘tkazilgan tekshiruvlar mahsulot xavfsizligi va sifatini, shuningdek, davlat standartlari va Bojxona ittifoqi texnik reglamentiga to‘liq mos kelishini tasdiqladi.
Shunga qaramay, Metro ushbu asalni “Rosselxoznadzor” bilan hamkorlikda qo‘shimcha qayta tekshiruvlar o‘tkazilmaguncha hamda vaziyat uzil-kesil oydin bo‘lmaguncha sotuvga chiqarmaslikka qaror qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)