Jon Makkeyn Rossiyaga qo‘llanilayotgan sanksiyalar kengaytirilishini talab qildi

Amerikalik senator Jon Makkeyn “AQShdagi prezidentlik saylovlariga ta’sir etishga harakati” uchun Rossiyaga nisbatan yangi sanksiyalar joriy etishni talab qildi. Bu haqda “RBK” xabar bermoqda.

Litvaga tashrifi davomida Makkeyn respublikachi senator Lindsi Grem bilan birga Amerika saylovlariga aralashishga uringani uchun Rossiyaga qo‘llanilayotgan sanksiyalar kengaytirilishini talab qilishda davom etishini bildirdi.

Shu bilan birga, Makkeyn Rossiyaning aralashuvi prezidentlik saylovlari natijalariga hal qiluvchi ta’sir o‘tkazganiga shubha bilan qarashini ta’kidladi.

Eslatib o‘tamiz, AQShning saylangan prezidenti Donald Tramp Rossiyaga qarshi yangi sanksiyalar joriy qilish tarafdorlariga o‘z hayoti bilan shug‘ullanishni maslahat bergandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.