Nyu-York politsiya departamenti muayyan diniy e’tiqodlarga bo‘ysunuvchi xodimlarga salla o‘rash va soqol qo‘yishga ruxsat berdi. Avvalroq politsiyachilardan biri, qoidaga muvofiq, unga xizmatda an’anaviy bosh kiyim kiyish taqiqlanganligi haqida federal rahbariyatga iltimosnoma kiritgan edi, deb yozadi TJournal.
Yangi o‘zgarishlar Vashington hamda Kaliforniya shtatining Riversayd va Kolumbiya okruglari departamentlari xodimlariga daxldor bo‘ladi. Avvalroq xuddi shunday o‘zgarishlar diniy istisno tariqasida AQSh armiyasida ham qo‘llanilgan edi.
Ushbu masala bilan Bandlikning teng imkoniyatlari masalalari bo‘yicha komissiya shug‘ullandi. Bunga komissar Jeyms P.O’Nilning murojaati sabab bo‘ldi. U va Sikx ofitserlar assotsiatsiyasining boshqa a’zolari yig‘ilishga an’anaviy sallalarda keldi. Uning so‘zlariga qaraganda, bu ruxsat politsiyachilarga teng sharoitlarda ishlash va bir xil imkoniyatlarga ega bo‘lish imkonini beradi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)