YouTube foydalanuvchisi Mixal Mogila qiziga Santa-Klausning borligini isbotlash maqsadida yozib olgan videosini e’lon qildi. Bu haqda TJournal xabar bermoqda.
“Olti yoshli qizim Santa-Klausning mavjudligiga ishonmay qo‘yganidan so‘ng, ‘Soqolli qari yigit’ haqiqiy ekanligiga uni ishontirgim keldi. Santaning kelishini tasvirga tushirish maqsadida, qizim bilan birga archa oldiga kamera o‘rnatdik. U sovg‘alarni ko‘rishi bilan, videoyozuvni ko‘rsatishni talab qildi”, — deb yozadi Mogila videoga sharhda.Videoyozuvda Santa-Klaus haqiqatan ham qizaloqning uyida tutun bulutidan paydo bo‘lib, sovg‘alar qoldiradi, so‘ng ko‘zdan g‘oyib bo‘ladi.
“Ba’zilar buni trolling deb atashi mumkin, biroq men buni bayram sehri va bolalikning davom etishi, deb hisoblayman”, — deya qo‘shimcha qilgan video muallifi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)