IKEA компанияси Россия дўконларидан ишлатилган батареяларни йиғиб олишни тўхтатди, бунга Россияда батареяларни утулизация қилиш бўйича пудратчи йўқлиги сабаб бўлди, деб ёзади «РБК» Россиядаги IKEA матбуот котиби Игорь Кисилга таяниб.
Савдо компаниясининг пудратчиси — Челябинскнинг «Мегаполис ресурс» заводи «Ишлаб чиқариш ва истеъмол чиқиндилари тўғрисида»ги федерал қонунга тузатишлар киритилганидан кейин лицензиясини янгилашга улгурмади. Компания ҳар қандай вариантларни, шу жумладан, мамлакат ташқарисидан бошқа пудратчи топишни кўриб чиқмоқда.
«Чет эл корхоналарини биз кўриб чиқмаяпмиз, чунки улар билан ҳамкорлик хавфли чиқиндилар экспортидек муаммони келтириб чиқаради», — дея аниқлик киритди Кисиль.
Унинг сўзларига кўра, IKEA қайта ишловчиларга топширилган батареяларнинг ҳар бир килограмми учун пул тўлайди. Матбуот котиби таъкидлашича, 2014 йил ёзидан буён қайта ишлашга 50 тоннадан ортиқ батарея юборилган.
Изоҳ (0)