Buyuk Britaniyaning Vouchercloud portali turli mamlakatlarning butun dunyo sayyohlari diqqatini jalb etuvchi eng mashhur yodgorliklari ro‘yxatini tuzdi. Bu haqda “Kultura.uz” xabar bermoqda.
Rossiyadagi madaniyat va me’moriy yodgorliklari orasida Sankt-Peterburgdagi “Qonli Spas” ibodatxonasi yetakchilik qilmoqda. Belarusda Brest qal’asi eng ko‘p tashrif buyuriladigan joy bo‘lib chiqdi. Ukraina mehmonlarini ko‘proq Xarkovdagi markaziy madaniyat va istirohat bog‘i o‘ziga tortadi.
Qozog‘istonda “Medeo” sport kompleksi, Tojikistonda Rudakiy nomli bog‘, Qirg‘izistonda Ola-Archa darasi, Ozarbayjonda Bokuning eski shahar qismi sayyohlarni ko‘proq qiziqtirgan.
O‘zbekistonda bu borada Registon maydoni birinchi o‘rinni egalladi. 2001-yili YuNESKO butundunyo merosi ro‘yxatiga kiritilgan Samarqand durdonasi mamlakat mehmonlarini betakror me’moriy jozibasi bilan o‘ziga rom etib kelmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)