Toshkent shahar hokimi qaroriga muvofiq, 2016-yilning 29-dekabr kuni soat 11.00 da xalq deputatlari Toshkent shahar Kengashining o‘n sakkizinchi sessiyasi o‘tkaziladi. Bu haqda hokimlik matbuot xizmati xabar berdi.
Sessiya kun tartibiga quyidagi masalalar kiritilmoqda:
- Toshkent shahar mahalliy byudjetining 2016-yil 9 oylik ijrosi va 2017-yilga mo‘ljallagan byudjeti parametrlari loyihasi to‘g‘risida;
- Toshkent shahri bo‘yicha 2017-yil uchun mahalliy soliqlar va yig‘imlar stavkalari to‘g‘risida;
- Toshkent shahrini 2017—2024-yillarda ijtimoiy-iqtisodiy rivojlantirishning asosiy ko‘rsatkichlari prognoz dasturini tasdiqlash to‘g‘risida;
- 2016-yil “Sog‘lom ona va bola yili” davlat dasturining ijrosi to‘g‘risida;
- “Mahalliy davlat hokimiyati to‘g‘risida”gi O‘zbekiston Respublikasi Qonunining ijrosi yuzasidan Chilonzor tumani hokimining ijtimoiy-iqtisodiy rivojlanishning eng muhim va dolzarb masalalari yuzasidan hisoboti to‘g‘risida;
- “Kasaba uyushmalari, ularning huquqlari va faoliyatining kafolatlari to‘g‘risida”gi O‘zbekiston Respublikasi Qonuniga o‘zgartishlar kiritish to‘g‘risida”gi O‘zbekiston Respublikasi Qonuni to‘g‘risida;
- Xalq deputatlari Toshkent shahar Kengashining Qonuniylik, huquq-tartibot va fuqarolar xavfsizligini ta’minlash masalalari bo‘yicha doimiy komissiyasining faoliyati to‘g‘risida;
- Toshkent shahridagi ba’zi geografik obyektlar nomlarini tartibga keltirish to‘g‘risida;
- O‘zbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga ko‘maklashuvchi komissiyasiga yordam beruvchi xalq deputatlari Toshkent shahar Kengashi ishchi guruhining 2017-yilga mo‘ljallangan ish rejasini tasdiqlash to‘g‘risida;
- Xalq deputatlari Toshkent shahar Kengashi va doimiy komissiyalarining 2017-yilga mo‘ljallangan ish rejasini tasdiqlash to‘g‘risida va boshqa masalalar.
Izoh (0)