Sud-tibbiyot ekspertizasi Rossiyaning Irkutsk viloyatida ommaviy zaharlanish oqibatida halok bo‘lgan 77 kishidan 74 nafarining o‘limiga metanol iste’moli sabab bo‘lganini ko‘rsatdi. Bu haqda viloyat sog‘liqni saqlash vazirligi matbuot kotibi Tatyana Shkurskaya ma’lum qildi, deya xabar beradi “Gazeta.ru”.
“Irkutskda metil spirtidan zaharlanib hayotdan ko‘z yumgan barcha 77 kishining jasadi o‘rganildi. Ulardan 74 nafari metil spirti, 3 kishi etil spirti iste’mol qilgani sababli o‘lgan”, — deya ta’kidladi Shkurskaya.
Viloyatda “Boyarishnik” suyuqligidan foydalanish tufayli jami 120 kishi zaharlangani bildirilmoqda.
Eslatib o‘tamiz, oldinroq Pokistonda metanoldan zaharlanish oqibatida 32 kishi halok bo‘lgani, 60 kishi kasalxonaga yotqizilgani haqida xabar berilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)