Суд-тиббиёт экспертизаси Россиянинг Иркутск вилоятида оммавий заҳарланиш оқибатида ҳалок бўлган 77 кишидан 74 нафарининг ўлимига метанол истеъмоли сабаб бўлганини кўрсатди. Бу ҳақда вилоят соғлиқни сақлаш вазирлиги матбуот котиби Татьяна Шкурская маълум қилди, дея хабар беради «Газета.ru».
«Иркутскда метил спиртидан заҳарланиб ҳаётдан кўз юмган барча 77 кишининг жасади ўрганилди. Улардан 74 нафари метил спирти, 3 киши этил спирти истеъмол қилгани сабабли ўлган», — дея таъкидлади Шкурская.
Вилоятда «Бояришник» суюқлигидан фойдаланиш туфайли жами 120 киши заҳарлангани билдирилмоқда.
Эслатиб ўтамиз, олдинроқ Покистонда метанолдан заҳарланиш оқибатида 32 киши ҳалок бўлгани, 60 киши касалхонага ётқизилгани ҳақида хабар берилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)