Oq uy Rossiyaning saylovlarga “aralashuvi”ga javob choralarini tayyorlamoqda

AQSh prezidenti ma’muriyati Rossiya, go‘yoki, Amerikadagi saylovlarga aralashgani uchun sanksiyalar va javob choralarini tayyorlamoqda. Bu haqda Washington Post anonim manbalariga tayanib xabar berdi, deb yozadi “Gazeta.ru”.

Ayni paytda Oq uy javob choralarini ishlab chiqishning final bosqichida turibdi, ularning bir qismi shu haftada ommaga e’lon qilinadi.

Bunda gap iqtisodiy sanksiyalar bilan bir qatorda diplomatik choralar haqida bormoqda. Bundan tashqari, gazeta ma’lumotlariga ko‘ra, Amerika prezidenti ma’muriyati Rossiyaga qarshi maxfiy kiberoperatsiyalarni tayyorlamoqda.

Avvalroq Amerika hukumati Rossiya tomonini AQSh prezidenti saylovlariga aralashishda ayblagan edi. Rossiya, o‘z navbatida, ushbu ayblovlarni rad etmoqda.