Буюк Британия ҳарбий-ҳаво кучлари 2017 йил баҳоридан Суриянинг Ракка шаҳридаги ИШИД марраларига кенг кўламли ҳужум бошлашни режалаштирмоқда. Бу ҳақда The Telegraph нашри маълум қилди, дея хабар беради «Интерфакс».
Газетанинг мамлакат қуролли кучларидаги манбаларига кўра, ҳарбий авиация эътиборини Ироқдан Сурияга қаратади. The Telegraph ўтган йили Британия ҲҲК Ироқда жангариларга 347, Сурияда эса атиги 60 маротаба зарба берганини эслатиб ўтган.
«Суриядаги авиазарбалар ‘Сурия демократик кучлари’ қуролли коалицияси тузилмаларига кўмак тарзида амалга оширилади. Биз уларнинг аъзоларини машқ қилдиришни кенгайтирамиз ва Раккадаги операцияни ҳаводан қўллаб-қувватлашни кучайтирамиз», — дея таъкидлади манба.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)