Nigeriya armiyasi Sambisa o‘rmonida “Boko haram” ekstremistik harakatining so‘nggi bazasini qo‘lga oldi, deya xabar bermoqda Meduza Nigeriya prezidenti Muhammadu Buxariga tayanib.
Uning so‘zlariga ko‘ra, “Boko haram” jangarilarida boshqa bazalar qolmagan, va endi ular chekinishiga to‘g‘ri keladi. Buxari aytishicha, tez orada Nigeriya armiyasi terrorchilik harakatining qoldiqlarini bir yoqlik qiladi. Prezident ishontirishicha, hal qiluvchi hujum 22-dekabr, payshanba kuni amalga oshirilgan. Bundan tashqari, o‘sha kuni jangarilar Yobe shtatida Sambisa o‘rmoniga yondosh armiya barakiga hujum qilgan.
Nigeriya yetti yildan buyon “Boko haram” ekstremistlariga qarshi jang qilib kelmoqda. Jangarilar 2014-yilda ikki yuz nafar o‘quvchi qizni o‘g‘irlab ketib “nom qozongan edi”, ularni haligacha topib bo‘lmadi.
Izoh (0)