Air Canada aviakompaniyasining Torontodan Londonga uchayotgan samolyoti Irlandiyaga shoshilinch tarzda qo‘ndi, deb yozadi “RBK”. Bunga 10 yoshli qizchaning samolyot bortida vafot etishi sabab bo‘ldi.
Bortda jami 230 yo‘lovchi bo‘lgan. Parvoz chog‘ida qizchaning mazasi qochib qolgan, unga shifokor va hamshira yordam ko‘rsatgan.
Layner uchuvchisi Shannon shahri aeroportiga favqulodda qo‘nish uchun ruxsat so‘ragan. Samolyotga yetib kelgan shifokorlar qizni kasalxonaga yotqizgan, ammo uni qutqarib qolish imkoni bo‘lmagan.
Ba’zi OAVlarga ko‘ra, qizning salomatligi joyida bo‘lmagan, samolyotda unda yurak xuruji yuz bergan. Air Canada va Kanada hukumati qizchaning qaysi mamlakat fuqarosi bo‘lganiga aniqlik kirita olmadi.
Izoh (0)