Su-27 qiruvchi samolyoti Qozog‘iston janubidagi Taldikorgan shahri yaqinida halokatga uchrashi yuzasidan sudgacha tekshiruv boshlandi, deb yozadi “TASS” respublika Bosh harbiy prokuraturasiga tayanib.
Tekshiruv Qozog‘iston Jinoyat kodeksining 464-moddasida ko‘zda tutilgan qonunbuzarlik (parvozlar yoki ularga tayyorlanish qoidalarining buzilishi) belgilari bo‘yicha boshlangan.
Tergovni olib borish uchun Bosh harbiy prokuratura maxsus prokurori rahbarligida tergov-tezkor guruh tuzildi. Ayni paytda, muassasa xabariga ko‘ra, hodisa sabablari va u yuz bergan vaziyatni aniqlashtirishga qaratilgan tergov harakatlari olib borilmoqda.
Izoh (0)