Су-27 қирувчи самолёти Қозоғистон жанубидаги Талдикорган шаҳри яқинида ҳалокатга учраши юзасидан судгача текширув бошланди, деб ёзади «ТАСС» республика Бош ҳарбий прокуратурасига таяниб.
Текширув Қозоғистон Жиноят кодексининг 464-моддасида кўзда тутилган қонунбузарлик (парвозлар ёки уларга тайёрланиш қоидаларининг бузилиши) белгилари бўйича бошланган.
Терговни олиб бориш учун Бош ҳарбий прокуратура махсус прокурори раҳбарлигида тергов-тезкор гуруҳ тузилди. Айни пайтда, муассаса хабарига кўра, ҳодиса сабаблари ва у юз берган вазиятни аниқлаштиришга қаратилган тергов ҳаракатлари олиб борилмоқда.
Изоҳ (0)