Olimlar homilador ayollardagi homilani o‘rab turuvchi suv (amniotik suyuqlik)dan tana hujayralarini ajratib olib, suyak to‘qimasi hosil bo‘lishi bilan bog‘liq kasallikka chalingan kemiruvchilarga inyeksiya qildi. Bir necha oydan so‘ng hayvonlarning suyaklari “yosharib”, mustahkamroq va egiluvchanroq bo‘ldi. Bu haqda TJournal xabar bermoqda.
London universiteti kolleji professori Paskal Giyo va uning hammualliflari so‘zlariga ko‘ra, amniotik suyuqlik tana hujayralarini nafaqat keksa kishilar, balki uzoq vaqt vaznsizlik holatida bo‘lishi oqibatida, tayanch apparati jiddiy zarar ko‘radigan kosmonavtlarga nisbatan ham qo‘llash mumkin bo‘ladi.
Tajribada foydalanilgan kemiruvchilar nomukammal osteogenez va suyaklarning o‘ta sinuvchanligiga olib keladigan kamyob irsiy kasallikka chalingan bo‘lib, bu oddiy sog‘lom odamlarda qarilik osteoporozi yuzaga keladigan mexanizm bilan qariyb bir xildir.
Mualliflar qo‘shimcha qilishicha, odamning tana hujayralari sichqonlarda o‘z-o‘zidan yangi to‘qimani hosil qilmagan bo‘lardi. Ammo ular jonivor organizmida ajratib chiqargan tartibga soluvchi omillar immunitetga katta yuk ortmagan holda, uning o‘z hujayralari o‘sishi va bo‘linishini tezlashtirgan.
Izoh (0)