Rossiya futbol ittifoqi (RFI) hamda mamlakat bosh vaziri o‘rinbosari Vitaliy Mutkoga nisbatan rasmiy surishtiruv ishlari olib borilmayapti. Bu haqda Xalqaro futbol federatsiyasi (FIFA) Axloq qo‘mitasi matbuot xizmati “R-Sport”ga ma’lum qildi.
“Qo‘mita surishtiruv ishini boshlaganini tasdiqlay olmaymiz. Dastlabgi tergovdan so‘ng bir nima aniqlansagina rasmiy surishtiruv ishi ochiladi. Ayni vaqtda hech qanday rasmiy surishtiruv yo‘q ekanini ta’kidlab o‘tmoqchimiz”, – deyiladi FIFA xabarida.
FIFA tomonidan Vitaliy Mutkoga nisbatan surishtiruv ishi boshlangani haqidagi xabar 18-dekabr kuni paydo bo‘ldi. Daily Mail nashri dalillar topilgan taqdirda Mutko futbolga oid har qanday faoliyatdan chetlatilishi hamda JCh–2018 esa boshqa mamlakatda bo‘lib o‘tishi mumkinligi haqida ma’lum qildi.
Rossiyani futbol bo‘yicha JCh–2018 turniridan mahrum qilishning “yangi to‘lqini” Butunjahon antidoping agentligi (WADA) mustaqil komissiyasi rahbari Richard Maklarenning 9-dekabr kuni Londonda e’lon qilgan hisobotidan keyin yuzaga keldi. Hisobotda Rossiya hukumati doping tizimini qo‘llab-quvvatlashi haqida so‘z borgan.
Keyinroq Rossiya bosh vaziri Dmitriy Medvedev bu haqiqatdan yiroq gaplar ekanini va hukumatda doping tizimi yo‘q ekanini aytgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)