Yaponiyaning “Yil avtomobili” tanlovi tashkilotchilari Subaru Impreza sedanini eng yaxshi mashina deb topdi. Avtomobil tegishli ravishda ikkinchi va uchinchi o‘rinlarni egallagan Toyota Prius va Audi A4 ni ortda qoldirdi, deya xabar beradi Motor.
Yangi Impreza mart oyida Nyu-Yorkdagi motorshouda ilk bor namoyish etildi. Yaponiyada model sotuvi 13-oktabrda boshlandi, bir oydan keyin esa kompaniya 11 mingdan ortiq buyurtma to‘pladi. Bu Subaru’ning har oylik sotuvlar bo‘yicha dastlabki rejasidan salkam 4 barobar oshiq bo‘ldi. Ishlab chiqaruvchiga ko‘ra, barcha buyurtmalarning 51 foizi boshqa brendlar egalaridan kelib tushgan.
Yangi avlod Impreza yapon markasining barcha bo‘lajak modellari uchun asos bo‘lib xizmat qiladigan SGP (Subaru Global Platform) modul platformasida ishga tushirildi. Model to‘liq uzatmali simmetrik tizimi va 152 ot kuchiga ega dvigatel bilan jihozlandi.
Ma’lumot uchun, o‘tgan yili Mazda MX-5 rodsteri Yaponiyada yil avtomobili deb topilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)