Тайвань ҳукумати маҳаллий қонунларни бузгани учун жазо сифатида эгасидан мусодара қилинган Lamborghini Murcielago SV суперкарини оммага ибрат сифатида йўқ қилди, деб ёзади Motor. Кранлар ёрдамида автомобилнинг бўлакланиши акс этган видео YouTube’да пайдо бўлди.
Ушбу суперкар воқеаси 2013 йилда, полиция Lamborghini’ни оддий ҳужжатлар текшируви учун тўхтатган вақтда бошланганди. Ўшанда Murcielago’нинг рақам белгиси Ford седанига тегишли эканлиги аниқланди.
Тайвань қонунларига мувофиқ, автомобиль мусодара қилинди. Машина эгаси, маҳаллий авиакомпаниялардан бирининг учувчиси Лин апелляция беришга уринди, аммо унинг барча шикоятлари рад этилди.
Уч йил омборхонада сақланган суперкар 14 декабрь, чоршанба куни йўқ қилинди, ва ҳатто маҳаллий телеканал орқали намойиш этилди. Машинанинг бирорта ҳам бўлаги қайта сотилиши мумкин эмас, шу туфайли, Murcielago майда қисмларга бўлиб ташланди. Ҳукумат фикрича, ушбу ҳолат бошқа қонунбузарларга ибрат бўлиб хизмат қилиши керак.
Изоҳ (0)