“Azneft” ishlab chiqarish birlashmasining Narimanov nomli neftgaz qazib olish boshqarmasiga qarashli dengiz estakadasi qulab tushishi oqibatida 10 nafar neftchi bedarak yo‘qoldi. Bu haqda Ozarbayjon davlat neft kompaniyasi matbuot xizmati ma’lum qildi, deya xabar beradi “TASS”.
“15-dekabr, payshanba kuni mahalliy vaqt bilan 05:00 da soniyasiga 41 metrga yetgan kuchli shamol dengizda boshqarmaning neft yig‘ib olish punkti atrofida joylashgan 150 metrli estakadaning bir qismini qulatdi”, — deyiladi matbuot xizmati xabarida.
Ma’lumotlarga ko‘ra, bedarak yo‘qolganlarning yarmisi hodisa chog‘i ish joyida, qolgani budkada bo‘lgan. Ularni qidirish uchun mamlakat FVV va Kaspiy dengiz paroxodchiligi kemalari jalb etildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)