Yaponiyada davom etayotgan futbol bo‘yicha klublar o‘rtasidagi Jahon Chempionatining birinchi finalchisi Yaponiya chempioni “Kashima Antlers” bo‘ldi.
Yarim final bosqichida “Kashima Antlers”ning raqibi KONMEBOL yetakchisi — Kolumbiyaning “Atletiko “Nasyonal” klubi bo‘ldi. Bellashuvda kunchiqar yurt futbolchilari yirik — 3:0 hisobida g‘olib chiqdi va finalga yo‘llanma oldi.
Yarim finalning ikkinchi juftligida Madridning “Real” klubi 15-dekabr kuni KONKAKAF yetakchisi — Meksikaning “Amerika” klubini sinovdan o‘tkazadi.
Ma’lumot uchun, nimchorak finalda yengilganidan so‘ng “Oklend Siti” turnirni 7-o‘rinda yakunlagan bo‘lsa, 5-o‘rin uchun kurashda Janubiy Koreyaning “Chonbuk Motors” klubi Afrika chempioni ustidan yirik — 4:1 hisobida zafar quchgandi.
“Kashima Antlers” klubi esa o‘z qit’asida chempion bo‘lgani uchun emas, balki musobaqaga mezbonlik qilayotgan Yaponiyaning chempion jamoasi sifatida turnirga qo‘shilgandi.
Klublar mundiali Yarim final 14-dekabr, chorshanba
Izoh (0)