Японияда давом этаётган футбол бўйича клублар ўртасидаги Жаҳон Чемпионатининг биринчи финалчиси Япония чемпиони «Кашима Антлерс» бўлди.
Япон клуби мусобақадаги иштирокини нимчорак финалдан бошлаган бўлиб, аввалига Янги Зеландиянинг «Окленд Сити» клубини 2:1 ҳисобида мағлуб этган, чорак финалда эса Африка чемпиони устидан 2:0 ҳисобида зафар қучганди.
Ярим финал босқичида «Кашима Антлерс»нинг рақиби КОНМЕБОЛ етакчиси — Колумбиянинг «Атлетико «Насьональ» клуби бўлди. Беллашувда кунчиқар юрт футболчилари йирик — 3:0 ҳисобида ғолиб чиқди ва финалга йўлланма олди.
Ярим финалнинг иккинчи жуфтлигида Мадриднинг «Реал» клуби 15 декабрь куни КОНКАКАФ етакчиси — Мексиканинг «Америка» клубини синовдан ўтказади.
Маълумот учун, нимчорак финалда енгилганидан сўнг «Окленд Сити» турнирни 7-ўринда якунлаган бўлса, 5-ўрин учун курашда Жанубий Кореянинг «Чонбук Моторс» клуби Африка чемпиони устидан йирик — 4:1 ҳисобида зафар қучганди.
«Кашима Антлерс» клуби эса ўз қитъасида чемпион бўлгани учун эмас, балки мусобақага мезбонлик қилаётган Япониянинг чемпион жамоаси сифатида турнирга қўшилганди.
Клублар мундиали Ярим финал 14 декабрь, чоршанба