Taniqli so‘z ustasi Obid Asomov Instagram’dagi sahifasida 30-noyabr kuni Samarqand shahrida bo‘lib o‘tgan futbol bo‘yicha O‘zbekiston Kubogi final uchrashuvi taassurotlari bilan o‘rtoqlashdi.
O‘yin arafasida Samarqanddagi “Dinamo” stadionida tashkil etilgan madaniy-ko‘ngilochar dasturda Obid Asomov ham qatnashgan edi.
Toshkentning “Lokomotiv” va Qarshining “Nasaf” jamoalari o‘rtasida bo‘lib o‘tgan final uchrashuvida poytaxt klubi 1:0 hisobida g‘alaba qozondi va O‘zbekiston Kubogi sohibiga aylandi.
“Toshkentga qaytishda ‘Afrosiyob’ poyezdida yigitlar bilan esdalik uchun suratga tushdik. Chunki g‘alabada mening ham hissam bor: maydonga tushmasam ham, duo qilib o‘tirdim”, — deb yozdi Obid Asomov.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)