TJournal nashri yakuniga yetayotgan 2016-yilning memga aylangan eng mashhur suratlarini e’lon qildi. Photoshop dasturi yordamida siyosat, sport va boshqa sohalarga oid qayta ishlangan suratlarni quyida tomosha qilish mumkin bo‘ladi.
Odamlar
Texnologik startapda stajyorlik o‘tayotgan yigit ish joyida uxlab qoldi. Uning hamkasblari esa u bilan birga suratga tushdi. Reddit foydalanuvchilari surat muallifini “Taxtlar o‘yini”, Gomer Simpson va boshqa qahramonlarga aylantirdi.
2013-yilda Chelyabinsk opera va balet teatri artistlari maxsus fotoko‘rgazma uchun yo‘l-patrul xizmati xodimlari formasiga kiyingan edi. 2016-yilda suratlardan biri “fotoshopchilar” qurboniga aylandi.
Shu yilning mart oyida amerikalik Shon Kanningem o‘z o‘g‘lini beysbol bitasi zarbasidan saqlab qoldi. Mazkur surat televideniye va turli saytlarda ommalashib ketdi. Bita zarbasidan saqlanishga uringan noma’lum kimsa esa asosiy qahramonga aylandi.
Reddit foydalanuvchilari yosh juftlikning omadsiz suratiga e’tibor qaratdi. Surat Minnesota shtatida olingan bo‘lib, keyinroq ma’lum bo‘lishicha, yigitning muzqaymoq sotib olish uchun puli yetmagan ekan. Mazkur foto ham turli janrlarda aks etdi.
2016-yilning dekabr oyida kichkina javon ichiga kirib olgan erkakning surati ommalashib ketdi. U o‘rnatilgan jovonning qanchalik mustahkam ekanini ko‘rsatib bermoqchi bo‘lgan. Reddit foydalanuvchilari surat qahramonini muzlatkich va, hatto, Donald Trampning boshiga solib ko‘rdi.
Siyosatchilar
2016-yilning avgust oyida Berlingske gazetasi Daniya bosh vazirining matbuot anjumanlaridan birida olingan antiqa suratini chop etdi. Reddit foydalanuvchilari ushbu suratga ham “ishlov” berdi.
AQSh prezidentligiga Demokratlar partiyasidan nomzod bo‘lgan Hillari Klinton va mamlakat prezidenti Barak Obamaning birga quchoqlashib tushgan surati Photoshop ustalari orasida mashhur bo‘lib ketdi.
Olimpiada
Rio–2016 Olimpiya o‘yinlarida 23 karra Olimpiada chempioni, AQShlik suzuvchi Maykl Felpsning raqibiga norozi bo‘lib qaragan videosi, keyin esa surati muhokamaga sabab bo‘ldi. Keyinroq suzuvchining o‘zi mazkur holatga izoh berib o‘tdi. Shunga qaramay, uning ishtirokidagi surat qiziqarli fotolavhalarga aylantirildi.
Mushuk
Bir vaqtning o‘zida ham karovotga sakrab, ham tirnoqlarini charxlashga uringan Milk-chan laqabli mushuk ham Photoshop ustalari nazaridan chetda qolmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)