Chexiya sharqidagi Gavirjov shahrida kalamushlarga qarshi kurashning antiqa usuli o‘ylab topildi: mahalliy ma’muriyat buning uchun boyqushlardan foydalanishga qaror qildi, deya xabar beradi “TASS”.
Bunday qaror kalamushlar bilan turli kimyoviy moddalar yordamida kurashish naf bermaganidan so‘ng qabul qilindi.
“Kalamushlarni yo‘qotish uchun kimyoviy usullardan ham foydalandik, albatta. Biroq ekologiya talablariga to‘g‘ri keladigan boshqa uslublarni topishni istardik. Shundan so‘ng boyqushlar haqida o‘ylab qoldik”, — deya hikoya qildi shahar ma’muriyati matbuot kotibi Yana Dibova.
Shahar bog‘larida boyqushlar yashashi uchun sharoit bo‘lmagani sababli mahalliy rasmiylar ularning ehtiyojidan kelib chiqib loyihalashtirilgan 10 ta uycha buyurtma qildi. Ulardan 6 tasi egalarini topishga ulgurdi. Agar boyqushlar zimmalariga yuklangan vazifani uddalasa, shaharning kalamushlar ko‘payib ketgan hududlarida ham bunday uychalar paydo bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)