TJournal нашри якунига етаётган 2016 йилнинг мемга айланган энг машҳур суратларини эълон қилди. Photoshop дастури ёрдамида сиёсат, спорт ва бошқа соҳаларга оид қайта ишланган суратларни қуйида томоша қилиш мумкин бўлади.
Одамлар
Технологик стартапда стажёрлик ўтаётган йигит иш жойида ухлаб қолди. Унинг ҳамкасблари эса у билан бирга суратга тушди. Reddit фойдаланувчилари сурат муаллифини «Тахтлар ўйини», Гомер Симпсон ва бошқа қаҳрамонларга айлантирди.
2013 йилда Челябинск опера ва балет театри артистлари махсус фотокўргазма учун йўл-патруль хизмати ходимлари формасига кийинган эди. 2016 йилда суратлардан бири «фотошопчилар» қурбонига айланди.
Шу йилнинг март ойида америкалик Шон Каннингем ўз ўғлини бейсбол битаси зарбасидан сақлаб қолди. Мазкур сурат телевидение ва турли сайтларда оммалашиб кетди. Бита зарбасидан сақланишга уринган номаълум кимса эса асосий қаҳрамонга айланди.
Reddit фойдаланувчилари ёш жуфтликнинг омадсиз суратига эътибор қаратди. Сурат Миннесота штатида олинган бўлиб, кейинроқ маълум бўлишича, йигитнинг музқаймоқ сотиб олиш учун пули етмаган экан. Мазкур фото ҳам турли жанрларда акс этди.
2016 йилнинг декабрь ойида кичкина жавон ичига кириб олган эркакнинг сурати оммалашиб кетди. У ўрнатилган жовоннинг қанчалик мустаҳкам эканини кўрсатиб бермоқчи бўлган. Reddit фойдаланувчилари сурат қаҳрамонини музлаткич ва, ҳатто, Дональд Трампнинг бошига солиб кўрди.
Сиёсатчилар
2016 йилнинг август ойида Берлингске газетаси Дания бош вазирининг матбуот анжуманларидан бирида олинган антиқа суратини чоп этди. Reddit фойдаланувчилари ушбу суратга ҳам «ишлов» берди.
АҚШ президентлигига Демократлар партиясидан номзод бўлган Ҳиллари Клинтон ва мамлакат президенти Барак Обаманинг бирга қучоқлашиб тушган сурати Photoshop усталари орасида машҳур бўлиб кетди.
Олимпиада
Рио–2016 Олимпия ўйинларида 23 карра Олимпиада чемпиони, АҚШлик сузувчи Майкл Фелпснинг рақибига норози бўлиб қараган видеоси, кейин эса сурати муҳокамага сабаб бўлди. Кейинроқ сузувчининг ўзи мазкур ҳолатга изоҳ бериб ўтди. Шунга қарамай, унинг иштирокидаги сурат қизиқарли фотолавҳаларга айлантирилди.
Мушук
Бир вақтнинг ўзида ҳам каровотга сакраб, ҳам тирноқларини чархлашга уринган Милк-чан лақабли мушук ҳам Photoshop усталари назаридан четда қолмади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)