Shimoliy Koreya Janubiy Koreya prezidenti Pak Kin Xening impichmenti fonida istalgan lahzada Seulga zarba berishga tayyorligini ma’lum qildi, deb yozadi “RIA Novosti” KXDRning markaziy partiyaviy gazetasi “Nodon sinmun”ga tayanib.
“Bizning qurolli kuchlarimiz va kuchli strategik vositalarimiz final hujum uchun signal raketasini kutmoqda”, — deyiladi maqolada.
Unda ta’kidlanishicha, AQSh va Janubiy Koreya tomonidan Pxenyanning yadro va raketa dasturini tugatishga qaratilgan harbiy-siyosiy bosim tufayli, KXDRning sabr kosasi to‘lgan.
Avvalroq Shimoliy Koreya OAVlari mamlakatda Koreya xalq armiyasining maxsus qo‘shinlari Seuldagi prezident qarorgohini qo‘lga olish bo‘yicha harbiy mashg‘ulotlar o‘tkazgani haqida xabar bergan edi.
Pxenyanning reaksiyasi AQSh va Janubiy Koreyaning Vigilant ACE manyovrlari hamda KXDRga qarshi kiritilgan yangi sanksiyalarga javob bo‘ldi.
Izoh (0)