Шимолий Корея Жанубий Корея президенти Пак Кин Хенинг импичменти фонида исталган лаҳзада Сеулга зарба беришга тайёрлигини маълум қилди, деб ёзади «РИА Новости» КХДРнинг марказий партиявий газетаси «Нодон синмун»га таяниб.
«Бизнинг қуролли кучларимиз ва кучли стратегик воситаларимиз финал ҳужум учун сигнал ракетасини кутмоқда», — дейилади мақолада.
Унда таъкидланишича, АҚШ ва Жанубий Корея томонидан Пхеньяннинг ядро ва ракета дастурини тугатишга қаратилган ҳарбий-сиёсий босим туфайли, КХДРнинг сабр косаси тўлган.
Аввалроқ Шимолий Корея ОАВлари мамлакатда Корея халқ армиясининг махсус қўшинлари Сеулдаги президент қароргоҳини қўлга олиш бўйича ҳарбий машғулотлар ўтказгани ҳақида хабар берган эди.
Пхеньяннинг реакцияси АҚШ ва Жанубий Кореянинг Vigilant ACE манёврлари ҳамда КХДРга қарши киритилган янги санкцияларга жавоб бўлди.
Изоҳ (0)