Fransiya hukumati mamlakatdagi favqulodda holat tartibini 2017-yil 15-iyulgacha uzaytirish taklifi bilan chiqadi. Bu haqda 10-dekabr, shanba kuni bosh vazir Bernar Kaznyov ma’lum qildi, deya xabar beradi “Interfaks”.
Favqulodda holat dastlab 2015-yil noyabrida, Parijdagi teraktlardan so‘ng joriy etilgandi. Keyinchalik mazkur tartib bir necha bor uzaytirildi.
Hukumat taklifini parlament a’zolari ma’qullashi lozim. Quyi palata deputatlari buni 13-dekabr, seshanba kuni, senatorlar esa oradan ikki kun o‘tib, payshanbada ko‘rib chiqishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)