Barak Obama mamlakat maxsus xizmatlariga 8-noyabrda bo‘lib o‘tgan AQSh prezidentligiga saylovlarda “kiberhujumlar va xorijiy aralashuvlar” holatlarini tekshirishni topshirdi. Bu haqda davlat rahbarining ichki xavfsizlik masalalari bo‘yicha maslahatchisi Liza Monako ma’lum qildi, deya xabar beradi “RBK”.
“Natijalar 2017-yil 20-yanvar, ya’ni amaldagi prezident lavozimini tark etgunga qadar taqdim etilishi lozim. Prezident 2016-yilgi saylov jarayonida yuz bergan holatlarning barchasini to‘liq tahlil etish va bundan tegishli xulosa chiqarishni topshirdi”, — deya ta’kidladi Monako.
Ma’lumot uchun, shu yil oktabrida Barak Obama ma’muriyati Rossiya rasmiylarini Demokratik partiyaga xakerlik hujumlari uyushtirilishiga aloqadorlikda ayblagandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)