AQShning saylangan prezidenti Donald Tramp bir necha, jumladan, Saudiya Arabistoni bilan aloqadorligi taxmin qilinayotgan 4 kompaniyasini yopdi. Bu haqda Delaver shtati reyestri hujjatlariga tayanib, Associated Press ma’lum qildi, deya xabar beradi “RBK”.
Agentlikka ko‘ra, Tramp lavozimini egallaganidan so‘ng “manfaatlar to‘qnashuviga yo‘l qo‘ymaslik” uchun kompaniyalarni yopish haqida qaror qabul qilingan.
Trump Organization bosh yurist-maslahatchisi Alan Garten 4 kompaniya yopilganini tasdiqladi, biroq buni “biznesni o‘zini oqlamagan korxonalardan xalos etishga qaratilgan odatiy jarayon”, deb atadi. Gartenga ko‘ra, Trampning Saudiya Arabistoni bilan biznes aloqalari yo‘q.
Ma’lumot uchun, Donald Tramp 15-dekabr kuni bo‘lib o‘tadigan matbuot anjumanida davlat rahbari lavozimida biznesini qanday boshqarishni rejalashtirayotgani haqida ma’lum qilishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)