Yaponiya chempioni “Kashima Antlers” klublar o‘rtasidagi Jahon Chempionatining chorak finaliga yo‘l oldi

Yaponiyaning Osaka va Yokogama shaharlari mezbonlik qilayotgan futbol bo‘yicha klublar o‘rtasidagi Jahon Chempionatida birinchi uchrashuv bo‘lib o‘tdi.

Musobaqada Yaponiya chempioni sifatida ishtirok etayotgan “Kashima Antlers” 1/8 finalda Yangi Zelandiya va Okeaniya chempioni “Oklend Siti”ga qarshi saf tortdi va irodali g‘alabaga erishdi.

Bellashuvda hisob Okeaniya vakili tomonidan ochilgan bo‘lsa-da, ikkinchi bo‘limda yaponiyalik futbolchilar 2 ta gol urishga muvaffaq bo‘ldi va ¼ finalga yo‘l oldi.

¼ final o‘yinlari 11-dekabr kuni bo‘lib o‘tdi. Unda “Kashima Antlers” Afrika qit’asi chempioni hisoblangan “Memelodi Saundauns” bilan to‘qnash keladi. Osiyo chempioni “Chonbuk Motors” esa KONKAKAF vakili — Meksikaning “Amerika” klubiga qarshi saf tortadi.

Yevropa chempioni “Real Madrid” va KONMEBOL yetakchisi “Atletiko Nasyonal” turnirga yarim final bosqichidan qo‘shiladi.

Klublar mundiali 1/8 final 8-dekabr, payshanba

“Kashima Antlers” (Yaponiya) — “Oklend Siti” (Yangi Zelandiya) 2:1